أنا ما وصلت اسدير
لكنه يذكر بال خير
اسدير بلاد قبايل
امن الجنوب يلا حايل
فيها عامر بن بدران
وهم ولسدارا أخوان
ودواسر سدير أخوان
من بدران ومن ودعان
ون جامعهم جد واحد
فهو من تغلب أو زايد
والدواسر هل حمية
لا زعزع الدوسرية
وابن ماضي من تميم
ما فيهم أحد ذميم
ما في مراجلهم شك
أشهود الله في أرضه لك
فيها نواصر وعنوز
ورجال كلها اكنوز
لاجا اللازم بي تلقاهم
ويعرفهم للي ينصاهم
وهل سدير ما ابخهصم
حيث الرحلة ما مرتهم
إلا بالذكر والأخبار
ولدري ويش قد صار
إللي عرفت اعيال أحمد
فقط خالد هو ومحمد
وعرفت منهم أنا فهد
نعم الطيب ولد سعد
خواله لاد ودعان
بالمخصوص بن درعان
فقط جلسات قليلة
ما هناك أوقات طويلة
مع الربع الأولين
والسدارا معروفين
وأما فهد عارفناه
على الجميل شكرناه
وعبدالرحمن بن عمر
ذكره جميل إلى مر
جالسناه وعرفناه
الله يغنيه ويذراه
وبن ماضي معروفين
على العسر وعلى اللين
لا جلست ولا عارفت
الأزمان سلمت
لكن الطيب معروف
لو ما وصلته تشوف
زمن أربعة وستين
نحن لبيت الله حاجين
مريناهم في الخبر
وهتلر ما بعد انكسر
ومحمد ما بعد مات
عسا روحه في الجنات
في جنات النعيم
حيث إنه يذكر نديم
وأنا محمد ما عرفته
مريت الخبر ما شفته
لقينا عبدالعزيز
خذنا كلام وجيز
شربنا عنده فنجال
عساله مال وعيال
وأنا حاج من عمان
وبانكف على الوديان
قلت سدير لأجل الرحلة
ما جا لازم روح لأجله
إللي منهم في الدمام
كفو من دون كلام
وإبراهيم الناصر وأخوانه
المعجل ناس كرام
والأحيدب والجماعة
ماهو شينن في مكانه
منهم في الدمام العومي
أسمع مني وخذ علومي
في المقاطعة منهم واجد
ما نحصيهم واحد واحد
ناس ما يلحقهم ريع
للواجب حال سريع
ما علي من قول حميدان
وعلوم ذاك الزمان
أنا ما اسمع اقاويله
بعض علومه هزيلة
أنا ماني بذمام
أرى المذمة حرام
فقط أقدر الناس
واحب أهل التنوماس
لاتقولون بن مشعي
يمدح للناس ويستعطي
مضى عمري ماوقفت
قدام شخص أو مدحت
إلا فقط قدام سعود
وهذا ما هو منقود
وقفتيله من مودة
والجوارح مستعدة
وأنا في عشر السبعين
كم قد مضى لى سنين
ونفسي ما ني اوطيها
تاكلها على اللي واليها
